سوني تكشف عن الكاميرا Alpha A3000 من دون مرآه داخلية وستكلفك 399 دولار أمريكي

المرأة الداخلية هذي وظيفتها تعكس الضوء اللتي جاي عبر العدسة وتعرضه لك في الفيو فايندر (العدسة الصغيرة اللي فوق الشاشة اللي تشبه العين السحرية حقت الابواب)
هذي علشان تعطيك نظرة دقيقة للالوان اللي راح تطلع لك بالصورة لان المحترفين عموما ما يحبون يستخدمون الشاشة لانها مو ١٠٠٪ دقيقة في الالوان ولا حتى الوضوح
واذا ضغطت الشتر علشان تصور، المراية تطلع فوق وتسمح للضوء يمر من تحتها للسنسور (الحساس اللي يجمع الضوء والظل ويطلع لك الصورة)

بعض الكاميرات الرقمية تستغنى عن المراة الداخلية و يصير الحساس خلف العدسة مباشرة
هذي فايدتها ان الكاميرا تصير اخف وانحف بصورة كبيرة جدا جدا ، والشي الثاني ان سرعة التصوير للثانية (اللقطات المتتالية لكل ثانية) يرتفع بشكل ملحوووظ -الكاميرات اللي فيها مرآة تصور ٦ صور بالثانية واللي مافيها تصور ١٠ ومافوق وصولا الى ١٣ او اكثر-
والسبب في سرعة التصوير ان المراة اللي تطلع وتنزل كل شوي اختفت، وهذا يوفر زمن كبير للقطات المتتالية
بس اختفاء المراه لع عيوب، وهو ان الفيو فايندر ما يصير حقيقي
يعني يصير الضوء يجي عبر الحساس و على طول للشاشة، وحتى لو كان فيه فيو فايندر يكون شاشة ثانية صغيرة تعكس ما يراه الحساس -ليس ما تراه انت عبد العدسة مباشرة- وهذا الشي يفقدك الدقة والمصداقية في الالوان واشياء ثانية

بس تقريبا الايام هذي الحساسات والشاشات صارت قريبة من الكاميرات اللي فيها مراة
الكاميرات هذي صارت تصور صور خيالية و تنافس الكاميرات الاحترافية بالجودة

بس يعيبها ارتفاع الاسعار مقارنة بالكاميرات الاحترافية….
اتمنى اكون افدتك 🙂