خخخخخخ عجبني مسلسل القصص بديت في المرسلات والآن نبدأ في البطحاء بس فيها عبر وفوايد !! اليوم صحيت 7 الصباح وقلت لكم قبل أحب أقضي مشاويري في الصباح تعرفون الأسبان وفرحت أمس المهم مالكم في الطويله ! رحت روما كفي وخذيت كوبا من الموكا . وتوجهت إلى البطحاء تماما وصلت 8 ونصف .
زحمة كما كنت متوقع لذالك وقفت سيارتي بعيد والحمد الله أني وقفت بعيد المهم الهدف هنا البحث عن العاب للـ PS3 ! لكن قبل ما أكمل كنت أدور على عدد من الألعاب ولقيت عندنا في العليا العاب وكانت الأسعار 250 أو 230 ريال سعودي وقلت لنفسي لابد من زيارة البطحاء والمهم رحت وصلت لعدد من الألعاب في البطحاء الي بعد مركز الراجحي تمام وفي محل أنصحكم فيه وهو محل “المختلف”يبيع جمله لكن رهيب ! يبيع أسعار ممتازه جدا جدا لعبت GTA LC لقيتها في محل العليا بـ 250 ريال ولقيتها اليوم بـ 150 و UNCHARTED 2 من 250 لقيتها بالأمس 150 ريال لاحظتم الفرق هنا ؟ الفرق مو بسيط .
طبعا حدث ولاحرج الألعاب الممنوعه تلقاها هناك بالراحه وأنت تضحك ! الأمر الي لاحظته لم أجد بطاقات الستور الأوروبي أبدا . كل مافي بالك تبيه في مركز البطحاء من أيادي تحكم وأكسسوارات وغيرها الله يعزها ويغنينا عن جشع التجار .
بتعرفوا انو عنا في الاردن سعر الالعاب
الخاصة بالحاسوب و البي اس 3 ب دينار واحد
اي ما يعادل 5 ريالات
والكل بيقول انو السعر غالي كثير
(ملاحظة الالعاب ما بتكون نظامية البيع ) يعني البياع بينسخ الالعاب وبيبيع
مآ حد يدل لنآ بطحآء بالشرقية ..
صآير حآلة يأس عندنآ اذا تبغى ثلآث العآب تدفع فيهآ 900 ريآل وأنت تضحك .. شي يجيب المغص ..
شكلهآ بنجمع حق كم شريط .. واكلم الشبآب بعد ونطلع البطحآء ونآخذ بالكوم .
لا فيه بالدمام بس تعرف سوق الدمام خله على يمينك وانت نازل سيد واحد قبل كان رايح جاي لا الحين كله سيد واحد أنزل مع الشارع بيجيك بنك الراجحي أو الرياض عند الاشاره الأولى أو الثانيه لف معاها يمين امش بتجيك إشارة عدها بعدين بتجيك لفه يسار خذها امش شوي تشوف المحلات يسارك و يمينك ارخص المختلف بعد البوفيه على طول تلقاه على يدك اليسار ويسومن المكان سكيكو معروف فيه بالمنطقه مسجد كبير وبس بس رح وسط الاسبوع لا تروح خميس جمعة وسبت لأن زحمه
طيب وش افضل 10 العاب ل ps3
وسوق الحنوبية في جده وين موقعه بالضبط
وهل الأشرطة ابو 250 هي نفسها ابو 150 ريال
توضيح لو سمحتم
تختلف أسعار الألعاب على حسب الأصدار
والله اني راحي للبطحاء في نفس الوقت
رايح
انشارتيد 2 و بسسسسسسسسسس
ولله انا بالخبر و مافيه امل احصل بهالاسعار !!
اهل الشرقيه تهقون سوق الجمله و سوق الدمام فيه !!
اما اللي يعرف شي نفس البطحه يقول لنا تكفون
طيب اسف سلطان ادري ان خارج الموضوع بس ابي اعرف من وين انزل المراحل حقت انشارتيد حقت الاون لاين مالقيتها على الستور الامريكي ولا السعودي !!
إلا تلقا انا دايما أجيب من هناك بس رح ومعاك أحد يسوق عشان تنزل لان ما فيه مواقف
طبعا حدث ولاحرج الألعاب الممنوعه تلقاها هناك بالراحه وأنت تضحك ! الأمر الي لاحظته لم أجد بطاقات الستور الأوروبي أبدا .
كنت ابي اعلق على كلامك الي قلت في لم اجد بطاقات للستور الاوروبي … ~
انا اقولك ليش مالقيت , لان اغلب الناس شرتها امس علشان امس نزلت اضافات لشريط COD6:MW2 اضافات خرايط
ومانزلت الا على الستور الامريكي والاوروبي … واغلبهم ستورهم اوروبي وشريطهم بعد … ~ وانا الحمدلله امريكي
ولقيتها لانه قليل اشرطهم امريكي … وطبعا انا اول واحد حملتها هعهعهعهع … ~
أنا الاصدار أمريكي للعبه وحدثت الخرايط أمس
لكن من جد مقطوع لقيت في الأنترنت وأشوف كيف الوضع
دام فيها قصص خذ قصتي اليوم :
وربي انك فايق مع صباحية الخميس ياسلطان انا توني راجع من العمل وكروتيني اليومي بفتح الفايرفوكس وعلى واول ويب سايت u على طول بتطلع لي صفحتك واقول خلينا نشوف اخباره الخبر الاول اتش بي اممم …. تمام
انزل تاني سالفه ايسر اسوز امممم … مره مو وقتهم بعدين مع نفسهم
تالت موضوع قصة حدثت لي اليوم في البطحاء واول ماجات عيني على باصاتنا الخطيره يلي مني داري يلي اخترع لونها ابيض والخطين الخطيره الزرقاء والحمره شايف كم هايل منهم قلت يلعن ام الحماس زمان عن القصص خلينا نبدأ نقرى قصته
بديت رويتيني وانا في العمل بذاك الوقت نفسه انا داخل عالمكتب واروح اسوي النسكافيه بالحليب بنفسي عشان دماغي مايعدلها الا ايدي ونقول تمام مزاجه دا الشخص رايق وممتاز ويعجبني
الين دخلت في موضوع قايم تقضي ألعاب للـ PS3 مع الصبحيه دي
بصراااااااااااحه أبدعت في سرد القصه وتقييمي 09 /10 على أسلوبها
وخصوصا ً دعايتك للشارع والسوق هناك بدا الجزء
“طبعا حدث ولاحرج الألعاب الممنوعه تلقاها هناك بالراحه وأنت تضحك ! الأمر الي لاحظته لم أجد بطاقات الستور الأوروبي أبدا . ((كل مافي بالك تبيه في مركز البطحاء من أيادي تحكم وأكسسوارات وغيرها الله يعزها ويغنينا عن جشع التجار ))”
لو انك كملتها في مركز البطحاء مش حتئدر تغمض عينيك كان اخذت الـ 10
تسلم والله 🙂 والله أني ضحكت
والله مغامراتك يا سلطان لا تمل هههههه
والله انكم محظوظين عندكم البطحاء لكن احنا في الشرقية ما عندنا إلا التجار الجشعين
GOW lll بـ 300 ريال ! و GTA LC بـ 250 ريال BF:BC2 بـ 220 ريال !
الشكوى لله
ننتظر مغامرات جديدة من أخوي سلطان >> تحس مسوي فلم Action ههههه
سوني سويت مشكله انها تنزل شرايط اصليه فقط حيث يوجد عدد كبير من الناس يريدون اقتناء البلاي ستيشن 3 ولكن اسعار شرايطه غاليه منهم انا
وأنا لا أؤيد الأشرطه المنسوخه أبدا
طبعا فالقرصنة تضيع تعب ومجهود المطورين ولا يستفيد منها الى التجار ولكن السبب الرئيسي في غلاء العاب ال ps3 هو طبعا البلوراي كما يعرف الجميع وليست سوني
انا مع اخ سلطان
يعني ناس تتعب و تسوي و ناس تنسخ و السلام
ما يصير
لكن المشكله الي نعانيها هي جشع التجار
كل واحد حط سعر بكيفه
يعني لو كل الالعاب مثل ما في البطحا و اسعارهم ثابته ب150 كان زين
لكن مشكلتنا كل تاجر يقول الزود عندي بالنصب
و هذا اللي مكرهني اني اشتري اسطوانات جديده لل بي اس ثري
عندنا في جده كمان في سوق الجنوبيه
صرحتنا استغرب من الي يشتري من محلات ابو ٢٥٠ وفوق مع انها موجوده في الجنوبيه وبفارق ماهو بسيط
اخوي وين بالزبط في اسواق الجنوبيه ؟؟
بالبلد مثلا ؟؟
الأسبااان محظوظييين……….ولعبهم غير مقنع
:@
تعديل :-
الاسبان فنانين …… ولعبه مقنع جدا لدرجة اني صرت اشجعهم بدل المانيا … ~
الاسبان وخاصة بويل هبلوا في الدنيا هههههههـ .. ~ برشلوني 4 افر ~ .. قلبنا كورة هعهعهعهع
ألمانيا روحهم منخفضة, ولا هم أفضل كـ فريق, ولو تلاحظون إن ألمانيا فازوا على خصوم أقوياء(الأرجنتين,إنجلترا) أما أسبانيا بالياله فازوا عالبرقواي والبرتغال وبالغش بعد !! , وخصومهم ضعفاء, بالطقاق يفوزون بس ذا المبارة أنقلبت الأحوال , طبعاً ألمانيا إلا الأسوأ, والعكس لأسبانيا
اوه البطحاء حلوه لكن انا متعقد منها لاني آخر مرة رحت عشان ادور اكس بوكس , صدمت فيها 🙁 هههههه
ابو قحط فيه لعبه ممنوعه بس انها خياااال وتلاقيها بالبطحاء God Of War بالنسبه للـ UNCHARTED 2 تلاقيها ارخص بعد من كذا بحكم انها داين تجي مع السوني اذا شريته ,,
قهر مافي آكشن 🙂
أفا عليك عندي حماد God Of War 3 خنفشاريه
ذيبان انا اشهد انك ذيب امعط 🙂
من جد ؟؟؟؟
ترى وصلت للبطحا ؟؟؟
والله انا باشتري البلاي ستيشن ثري عشان هاللعبة
ما تدري شلووون مغرم باللعبة لعبت كل الاجزاء وختمتها
حتى عيالي خافو علي شافو اني اسحب عليهم واجلس اللعب بالساعات يحسبون عندي بلا
هههههههههههههههه
والله اجل البطحا
عاد تدري يا سلطان والله أنا من ايام ما كنت صغير قبل ماتطلع الاسواق والمولات يوم كان الرياض مافيه غير اوشيقر والبطحا ومنفوحة ما كنا نروح غير البطحا نقضي منها كل شي بمعنى كل شي وبارخص الاسعار ..
ولا كان في زحمة هالهنود كان مافيه غير ابو يمن واهل الديره بس …
تجار السعودية اغلبهم اصولهم وجذورهم في البطحا موجوده لين الحين,,
اييييييييييه ذكرتني والله
شكلي بكره باشطفهم باخذ جهاز بلاي ستيشن ثري واللعبة ونخفتي عن الساحة ههههههههههههه
موفق سلطان وربي يعطيك العافية
هههههههههههـ … ~
انا شريت اللعبه اول مانزلت بــ 330 ريال … ~
اللعبه جدا خنفشارية على قولت هعهعهعهعهع … ~
انا مااذكر ان UNCHARTED 2 تجي مع السوني دايم … ~
اذكر ان UNCHARTED 1 هي الي تجي مع السوني دائما ودوما هي وكلزون … ~