الهواتف النقالة

قصه حدثت لي اليوم في المرسلات

بالأمس كنت أفكر أنا أملك الجالكسي وهو غير محمي فقلت لنفسي ياولد لازم أدور على تغليف حمايه المهم بغيت أطلع بالليل بس شفت الزحمة والقرف و بعض العقول الناقصه فقلت خليها بكره الصباح. جا اليوم الصباح حركت من البيت الساعه 10 ورحت لمحلي المفضل GMask وسألته عن التغليفه بالكامل وقالي 70 ريال وقالي مرني بعد أربع ايام أعطيك تغليفه أفضل ببلاش قلت أوكي غلفها لي الآن وبعد أربع أيام أمرك لازم أحمي الهاتف  قالي ولايهمك مرّ علي بعد نصف ساعه قمت أفكر وين أروح ؟ فقلت لنفسي خلني أمور المحلات وأشوف سعر الأيفون بالمرّه:

أول محل :

  • أنا: السلام عليكم ؟
  • البائع: وعليكم السلام (عيونه محمره والدخان في خشمه)
  • أنا:عندك آيفون 4  ؟
  • البائع: قصدك اسمه iPhone 4G  ؟
  • انا : …….
  • البائع: لا !
  • أنا:…… سلام

المحل الثاني :

  • أنا: السلام عليكم
  • البائع:وعليكم السلام تفضل
  • أنا: لو سمحت في آيفون 4 ؟
  • البائع: نعم فيه ! المقفل ولا المفتوح
  • أنا : …(مبتسم) .. كم ؟
  • البائع: المقفل 3800 المفتوح 7000 ريال  .
  • وبعد لحظات ….
  • البائع: أخوي سلامات وشفيك ؟
  • البائع: أخوي رد علي !
  • أنا: مع السلامه

المحل الثالث

  • أنا : (بوجه محطم) السلام عليكم !
  • البائع : وعليكم السلام
  • أنا:في iPhone 4 ؟
  • البائع: في لكن مقفل وراح يكلفك 5500 والضمان عندي أي سوفت وير جديد تعال عندي أحدثه لأنه نرسله لشركة الأم ما أنصحك تحدثه لأننا محترفين
  • أنا: 0_0  في مخي أقول(SHUT THE F**K UP !!!!!!) 
  • طرف ثالث: أخوي أنا شراي منك الآن 6000 ريال سعودي
  • أنا: 0_0
  • البائع:تفضل
  • أنا: يا آلهي  …. رحت لمحل GMask  قلت عطني التلفون ورحت البيت .

[النهايه]

الوسوم

مقالات ذات صلة

‫48 تعليقات

  1. عالم ثالث لا رقابه ولا شي
    وش تبي يصير غير كذا
    عسى الله يرحمنا برحمته مع ان فرصه اننا نروح فوق مع العالم الاول كبيره
    لكن فيه ناس تهرش حلال الشعب هرش الله يسم بطونهم

  2. الله يعين بس , 7.000 الآف ريال !
    الصراحة المرسلات مكان قذر جدا وما فيه بائع واحد بس محترم أو يخاف ربنا على حسب تجاربى هناك , البائعين كلهم متحدين مع بعض وشغل النصب العالمى وإذا بغيت شىء من محل يقولك لحظة ويناظر خويه فى محل تانى ويناديه : ” عطه ( الشىء ) ب 30 ” , لازم يناديه بسعر السلعة عشان تدرى انه نصابين وكأن المحل التانى الى عنده السلعة اصلا ما يدرى كم سعرها , بالإضافة للحلف والقسم عشرات المرات أن هذه السلعة أصلية 100% , مثلا مرة ذهبت اشترى شاحن آيفون الأصلى وأعطانى البائع علبة صينية 1000000% ويؤكد ويقسم أنها من ابل كالفورنيا 🙂 وسعرها فقط 50 ريال .
    الله يهديهم .

  3. اعجبني سالفة انك تكنسل الطلعة بالليل وقت الزحمة

    انت رايق يارجل ^^

    معاني من زحمة الشوارع والعقول الفاضية الي ماشغلتها إلا تاخذها سياحة في المجمعات والأسواق ^_~

    المهم بخصوص السعر شيء طبيعي عندنا يكون كذا

    لأن راعي المحل بأول 15 يوم راح يحط 7000 ويبيع 3 الى 5 اجهزة على الأقل

    بعدها 5000 ريال وراح يبيع 6 الى 9 اجهزة على الأقل

    بعدها 4000 وراح يبيع 20 الى 40 جهاز على الأقل

    بما انه راح يجد ناس تشتري ليش يرخص خله يخلص الناس الفارغة الي مليانه فلوس بعدين ينزل لسعر تدريجي وكل مرة يضرب فئة من هالمجتمع الي مايرده إلا جيبة ^^

    الـPS2 اول مانزل قالو 5500 ريال ولا تلحق تلقاه بعد ^^

    هذا شيء متعود عليه عندنا

    يعطيك على العافية على نقل الأسعار ^^

  4. طيب يا عيال يا ربعي

    ليــه متعبين أنفسكم

    هالمحلات حالهم حال السوق بكبر

    فكروا شوي و أنت أفهم مني

    محلات البليستيشن عندكم بالسعوديه نفس الطريقه أسعارهم نار مع بعض الألعـاب

    لو تشترون ” طلب مسبق من الأمزون بيطلع عليـكم أرخص ”

    يعني لو كل مجموعه تطلب طلب واحد

    أو كل شخص يطلب مجموعه أشرطه بتكون أرخص من السوق المحلي

    هذه نقطه

    بالنسبه للأيفون 4 ” G ” لووووووول

    قصدي أيفون 4

    مريت حولي ” الكويت ” و شفت إعلانات بالمحلات ” iphone 4G

    جد جد الوضع مضحك ناس ما تعرف بالأجهزه و قاعد تضحك عليــنا

    دخلت و سألت

    و قالوا مو أقل من 350 بس إنطر ترى سعره بينزل ” و من قال لك إني بشتريه بهالسعر ”

    الغانم يبيعه بسعر 350 و 299

    الخلاصه إلي يبي أيفون 4 خله يطلب من الستور البريطاني و بيطلع عليـه تقريبـاً 220 ديـنار مع التوصيل لل 16 قيقا

    عن طريق أرامكس بس و نسبةً للزحمه الطلب راح يطلع من الستور بعد ثلاثة أسابيــع

    لو تنطرون لي شهر 9 مع العيد السعيد أفضل لنا و لكم

    ***

    أخوي سلطان أنا متابع يومي لمدونتك أكمل و بارك الله فيــك

    1. نفس ما قلت هذه اسعار الايفون 4 بالغانم (x-cite)
      الـ 16gb
      299 دينار
      يعني
      1,028.91 USD
      والـ 32gb
      359.5 دينار
      1,237.10 USD
      بوووق

        1. والله يا خوي ما ادري شقولك هذا بوق لسبب ..
          موكل الناس تعرف انه هذا زياده على سعره تقريبا 80 دينار
          احد الاطراف جاهل في القيمة الاصلية والربح نوعا ما مبالغ فيه
          وصحيح كلامك اكثر شئ الوم الناس الي تشجع هذا النوع من الاسعار لانها تشتري وتقول ما فرقت معاي هالمبلغ !!
          ما تدري بهل السياسة بترفع اسعار كل شي في الديرة

  5. انا دايما بحسد الغرب على حياتهم

    يعني الواحد بيشتري الجهاز من الشركة الام مباشرة

    بلا بياعين بلا نصابين

    قال 7000 ريال قال

    اصلا حتى اسمه مو عارفه

    ناس اخر زمن

  6. هههههههههه

    من جد اب 7000 .!
    اذا كان كذا سلملي على الشعب كله
    اسالك انت شفت الآيفون عنده ولا هو قالك بس كذا ؟

    من جد بدو عيال صحرا طلعوا من الصحرا ما يعرفوا شي

      1. لا اقصد ببدو الأصل أو بمعنى اصح متخلفين

        لاكن ما يعرفوا شي

        عرفوا انه فيه جوال جديد على طول قالوا خلنا نرفع سعره
        والمشكلة اللي يشتروه منهم أغبى

    1. البدو يضحكون على الناس ويرفعون الأسعار
      والحضر يشترون أي شيء وبلا مبالاة
      الله يصلح الأحوال

    1. وابشرك الايفون 4 سعره بالغانم (x-cite)
      الـ 16gb
      299 دينار
      يعني
      1,028.91 USD

      والـ 32gb
      359.5 دينار
      1,237.10 USD

      بوووق
      غاااااااالي!!!!!!!!!!

  7. طيب ليه الاستعجال ياشباب بعد 15 يوم راح ينزل في مكتبة جرير ويمكن يكون ارخص بكثير من هذه المحلات وحسب كلام موظف مكتبة جرير المسئول عن الجوالات انه راح ينزل عندهم احتمال للـ 32 غيغا بسعر 3800 ريال اكيد فرق عن سعر المحلات الثاينة اللي تنصب على الناس بالنسبة لي انا راح اتنظره الى ان ينزل عند موبايلي واستفيد من فارق السعر والعرض اللي معه .

  8. هههههههـ … ~

    عادي بالنسبة لي لاننا متعودين … على النصب واكل الناس … ~

    لكن حبيت اسالك اخوي سلطان … فيه عندهم جالكسي اس … ؟

  9. ليش مانلوم ابل لانها ماتنزل الاجهزه الا بعقود

    او بجهاز بدون عقد وسعر خيالي !!

    احتكار احتكار احتكار

  10. ياخي شي يقهر على بالهم لحد الحين الناس نايمه ..ومايدرون عن الاسعار برع ..ومافي وعي

    تعالو شوفو الشي الخرافي الي عندنا في في قطر ..7000 ريال ..وفوق 

    الله لايهينك فيزا ولا ماستر كارد ..اشتره من النت وفك نفس

    الله لايحوجنا لهم هانصابين ..

  11. هههههههههه
    هو نفس الجوال اللي شفته بـ 7200 ريال
    والله قهرني مووووووت
    فيه الأخ اللي في الخليفة للاتصالات رجال فاضل اسمه علي
    وعنده الجالكسي إكس .. صارحة شي خوقاقي ^_^

      1. هو بجد شئ يدعو للاحباط
        والجلهة الذين يقعون ضحايا لعمليات الاستغلال هذه للأسف كثر !

  12. معقوله فيه احد غبي enough يشتريه ب 7000 الاف ريال
    والا هذا البياع الي يقول جيبه احنا نحدثة لك لاننا نرسله لـ Apple الشركة الام
    صحيح مأساه!

  13. هههههههههههه والله هذا المعروف هتا و الا غرب ان فيه ناس يشترون بهالمبالغ..

    عجبتني والله القصة ونبي قصص ثانية فيها آكشن ومطاردات :X-P:

  14. الله يعين بس هذي من بدايتها فوق 6000
    ولا واللي يقهر ان موبايلي ماراح تنزله الا بعد 3 شهور على قولتهم
    مالنا الا نشتري من برا افضل

  15. اكثر ما يكدرني في هذه الدنيا عندما يكون البائع والمشتري بهذه العقليه ، فالطرفين ماخذين مقلب بنفسهم ، تصحح حق منو ولا منو ؟!

  16. ايه ايه لازم يهاوشون يقالهم فاهمين

    الناس يقولون اسمه 4 جي

    اقولهم شوفو الصوره قالو لا هذاولى كانو مخطين بالموتمر بس هو اسمه فور جي

    ياخي شعبنا حتى لو مخطي لازم يصير هو الصح لا ويهاوش بعد

    ببوابة الانترنت الرقمية بيع اي فون 16 بـ 4 الاف ريال

    اقسم بالله لو الناس تعرف تشتري من برا كان تشوف المحلات مكسره

    فيه استغلال مهب طبيعي واولهم جرير

    والله شكلي ابشتري اي فون وابيعه وابعرضه للبيع

  17. يا اخي المرسلات فيها العجب العجاب

    تشوف العجايب من البائعين و النصب

    وبالمقابل قل وعي من المشترين 🙂

  18. ياساتر 0_0
    وش النصب هذا مهابيل حقين المحلات ولا وش يحسون فيه !
    بصراحة لو انا مكانك يا سلطان كان قلت للبائع الاول خله يصدي
    بس المشكلة ان فيه بعض العقليات ما ادري وش تبي بالله ليش آخذ أيفون بـ 6000 ريال !
    مو مخرب علينا إلا مثل هذي العقول الي تزيد من طمع التجار و جشعهم ولا عندك احد
    و يبقى افضل مكان للشراء هو الإنترنت >> وجهة نظري 🙂

  19. اذا كان سعر الجهاز بهذا السعر المبالغ فيه بل اني في حياتي لم اراى جوال يتعدى 3000 ريال ان شاء انا خلاص ناوي على الجالكسي نفس مواصفات الايفون واحسن واقل سعر بكثير

  20. إستغلال + غباء = ؟@%

    بصراحة لازم تتطور ثقافة المسهلك عندنا .. والله التجار بيستمرون في النصب على الناس …

  21. يا رجال, والهل حاله عندنا!
    خصوصاً في المرسلات, انواع النصب والاحتيال.

    – اما البائع الأول ههههههههههههههههههه , يعني الاخ فاهم ترا 4G وخر عنه :laugh: :laugh:

    – ولا المتخلف اللي شرا الايفون المقفل بـ 6000 !!, سلامات؟ براسك شيء انت؟

    , والله ما عاد فيه الا الطلب من برا ( * طبعاً ما هو كل شيء تطلبه, فقط الاجهزة اللي ما تملك وكيل معتمد عندنا. )

  22. أعتقد أن أبل لاااااااااااااااازم تفتح محل رسمي لها في السعودية .. ولما تنزل تلفون جديد مثل الـ IPhone4 .. أول ما ينزل في السعودية قبل العالم بشهر … وأنا أضمن لك يا ستيفن جبز أنك تغطي كل خسائر تصنيع الجهاز وتمويل لإعلانات تغطي العالم بأكملة لعملية تسويق للجهاز .. وبعد كذا تكون قد غطيت كل التكاليف وكل شيء تمام .. وبعدين تفكر تنزلة في بريطانيا وأمريكا وغيرها من دول العالم …. على فكرة يا ستيفو أنت ما بتحقق عدد كبير من المبيعات للأجهزة .. ولكنك بتحقق أرقام $$$ قياسية :blush:

  23. نفس القصـــــه رحت بالايفون أبغى أغلفه و لما سألت عن الحمايـــه سألني و بكل ثقه كم رقم الموديل Oo و حبت أعجزه شوي طلع السامسونج و طلبت تغليف ليه – السامسونج مطبوع شعارهم على الجهاز من الأمام – قال لي آسف ما نتعامل مع اكسسوارات السوني أريكسون XD

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *